Euver Radio Nónnevot

Radio Nónnevot is ein partekeleier initiatief veur de promotie de Zittesje vastelaovesleidjes, aangevöld mit allein de allerbéste vastelaovesmeziek van dit moment oet Limburg.

‘t Idee is mit eine gèkke sjlaag òntsjtange vanoet ‘t gemis aan die richtige auw Zittesje vastelaoves leidjes op de bekende radiozendesj …én nao ein middig wanjele mit d’n hòndj oppe Kolleberg zou ‘t sjtiekem toch waal sjiek zeen om eine vastelaoves radio te sjtarte.

D’r woort eine naam bedach, logo gemaak en oetgevoogeld wie eine radio stream in de loch gebrach koosj waere en natuurlik de rechte mit de betrökke insjtèllinge gereigeld.

Dat waor aevel pas ‘t begin. D’r waor nog geine meziek ein gein eige geluid. De registers mit Zittesje vastelaovesmeziek woorte aopegetròkke, luuj benaaderd die meziek in bezit hauwe en auw LP’s opnuuj gedigitaliseierd. In de studio woorte eige Radio Nónnevot ‘jingles’ opgenomme en de eesjte Zittesje vastelaovesradio waor ein feit.

Radio Nónnevot

Kontak

Wilt geer òs get vertèlle, ‘t initiatief òngersjteune, in de oetzènding komme om eemes de kòmpleménte te maake of waat dan ouch? Dat kènt! Num kontak mit òs op via eine van de ongerstaonde muigelikhede, dan laote veer flot get van òs heure.

Radio Nónnevot
Tillefoon: 046 – 202 11 15
Email: info@radiononnevot.nl

Bènnekort weier ON-AIR!

Dag(en)

:

Uur(s)

:

Minute(s)

:

Second(s)