Songtekst voor: Jao zo ruip de pappegey
Refrein:

Jao, zoo ruip de Pappegey, sjnap uch vas, alleney,
en sjprènk saame löstig in ‘t ròndj, kakelbòntj.
Jao, zoo ruip de Pappegey, maak gerös mer get behey.
Das veur eine keer waal èns gezòndj.

Couplet 1:

Einmaol in ‘t jaorke kump d’n tied van sjpas.
Dan gaon veer òs ammezeiere, dat zit in ‘t Zittesj ras.
Einmaol in ‘t jaorke zeen veer sjtapeldol.
Dan gaon veer òs kostemeiere, en veer höbbe reuze lol.

Couplet 2:

Trèk dan door de sjtraote den optoch wie gewènd,
sjteit jeederein daovan te kieke, dao is Zitterd veur bekènd.
Trèk dan door oos sjtraote weier d’n hoerae ròndj,
achter höm dan trobbe kènjer, en ‘t klink van mòndj tot mòndj.

Couplet 3:

Op oos bal-swareekes heurt me dan gouw sjlaeg.
In oos Zittesje kafeekes tap me dan gein kraeg.
Op oos bal-swareekes is ‘t zoo gezèllig drök.
‘t Zeen de sjoonste daag van ‘t jaorke, jeder dènk dao gaer aan trök.

Algemene informatie

Uitvoerend: Thei Hunnekens
Tekstdichter: Jean Derrez, Thuur Laudy
Componist: Baer Cals
Jaar: 1967

Positie in de Top 111