Diene meziek op Radio Nónnevot
Bie Radio Nónnevot hauwte v’r van ein goud sjtökske meziek! Mèr wae bepaald noe waat d’r door de speakers sjalt? Kent jederein zomèr ziene eige vastelaovessjlaager insjikke en “Worom dreijt geer neit de nuujste hit van miene buurman Sjang?”
't geheim achter os aafsjpeellies
Bie Radio Nónnevot heurt me de ganse daag door de sjoonste vastelaovesnómmesj oet Zitterd en ’t bèste oet Limburg. Mèr dae meziek wurt neit zomer oet d’n hooge houd getouverd. Ós meziekredakse -ein team van meziekleifhöbbesj in alle saorte en maote- zörg dat ós aafsjpeellies pratsjvol mit energie, sfeer en kwaliteit zit. En jao, dao kump mee bie kieke ès allein gèt confetti en appelsiene.
Mit regelmaot loestere en beoordeile zie potentiele nuuje meziek. Dat gebeurd op basis van hun meziekkennis en mit ein veurleifde veur vastelaovesmeziek. Pas ’t nómmer bie de sfeer van Radio Nónnevot? is ’t produksetechnisch in orde? en kenne mit ’t nómmer de panne van ’t daak? Dan kump ’t in aanmirking.
Höbste zelf eine vastelaovessjlaager?
Denkste daste ein sjlaager höbs dae ech neit kent ontbraeke op Radio Nónnevot? Dan zeen veer dien inzènjing gaer komme! Mèr let op: neit jeder nómmer haolt òs aafsjpeellies. Veer sjmiete neit zomèr jeder hoeskamer konser oppe radio.
Wilste ein nómmer insjikke? Volg dan dees regels:
- Minimaal ein WAV-besjtand. (MP3-kes kenne ech neit mee...)
- Ein korte toelichting worom dit nómmer gedreijd mot waere.
- Evt. eine link nao de videoclip of anger successe.
Sjlech nuuts veur Sjang
En waat zegge veer dan taege de buurvrouw van zènger Sjang die gaer zien nómmer oppe radio haw geheurd? Natuurlik is d’r vööl sjoone vastelaovesmeziek, mèr neit alles pas in ós aafsjpeellies. Veer dreije allein de allergrootste hits die ós loesteraesj ech wille heure. Natuurlik hawte veer van tips en suggesties, dus este ein nómmer höbs óntdek, laot ’t òs dan veural weite.
Zo bepaals dich mit!
Wilste mee invloed op de aafsjpeellies van Radio Nónnevot? Sjik dan die favoriete nómmesj in via studio@radiononnevot.nl. Wènt oeteinteliks maak veer allein saame de allersjoonste vastelaovesradio.
Alaaf!